عامية عنينا..
بتصدق ناس من حوالينا
فاكرنهم منا و لينا
ابتدينا
حبينا و ادينا
ضحكوا علينا
غموا عنينا
ودونا لآخر الدنيا و جم بينا..
فاضية إدينا
عامية عنينا
مفتكرتش حكاوي ناس من قبلينا
نسيت و نسينا
إسينا على نفسينا
و آسينا
وأدي إلي بيحصل فينا
عامية عنينا
مصدقتش لما حسينا
و كدب ..شافت الغش زينة
إتلهت و إتلاهينا
من بلاوينا..
فالزحمة تاهت خطاوينا
فالتوهه زاغ منا حاضرنا..
و ماضينا
عامية عنينا
مسمعتش صوت العقل لما كان
بينادينا
يصرخ فينا
يجرى ورانا
فى شوارعنا و حوارينا
و يا ريتنا يا سيدى إتلاقينا
عامية عنينا
ماشفتش ايه اشترينا
كلام كتير..
وخداع و زيف
منهم إكتوينا لما أكتفينا
يا عنينا ارحمينا
كان احسن لنا نفضل وحدينا
ياالله. أدينا انتهينا
No comments:
Post a Comment